Nú árið er liðið

Jæja, þá er árið liðið. Ég gerði fátt á þessu ári annað en að vinna. Markvert var að ég tók mér sumarfrí, hefur ekki gerst í mörg ár. Þá dvaldi ég 2 vikur við Napa og San Fransico. Þetta svæði er paradís á jörðu, fólkið, náttúran og vínberin.

Fékk í hálsinn á jóladag og söng á bólgueiðandi lyfjum í fyrradag. Hefði samt ekki fallið á lyfjaprófi.  Á morgun hefst svo árið með söng og aftur söng. Meira um það síðar.

Fyrir ári síðan sat ég fyrir framan sjónvarpið með ömmu minni þegar Halldór Ásgrímsson hélt áramótaávarp forsætisráðherra. Hann talaði um að öryrkjar væru ekki einsleitur hópur, svo um eiturlyf og loks um málefni aldraðra. Amma var að hlusta með öðru eyranu en leit svo snöggt á mig þegar Halldór nefndi aldraða og sagði: Hvað er maðurinn að segja, er gamla fólkið komið í eiturlyf?

Ég óska svo öllum gleðilegs árs.

Athugasemdir

[Ólafur fannberg, 1.1.2007 kl. 09:43]

gleðilegt nýtt ár

[Bragi Einarsson, 3.1.2007 kl. 12:25]

gleðilegt ár Davíð og vonandi hefðir þú það gott yfir hátíðarnar