Rækjur og Rakettur

Margt í gangi þessa dagana. Það verður erfið útför í dag og svo munum við Stefán syngja við skautasvellið á Ingólfstorgi.

Ég horfði á flugeldasalana í Kastljósi í gær. Örn Árnason sjálfstæður flugeldafíkill og Jón hjá Landsbjörg. Það er mjög göfugt að styrkja gott málefni og kaupa af björgunarsveitunum en vandinn er sá að ég kaupi bara aldrei flugelda. Er ekki ótrúlegt að land sem stærir sig af því að vera herlaust skuli verða að treysta á sjálfboðaliðasveitir þegar náttúruhamfarir ganga yfir og stórslys verða. Þessar björgunarsveitir eru svo að skrapa upp í kostnað með sölu á ljósaperum, rækjum og rakettum. Svo rekum við líka háskóla sem fjármagnar sig með skafmiðum, happadrætti og peningakössum. Neeeeii. Svona gerir maður ekki. Góða helgi!

Athugasemdir

[Guðný M, 29.12.2006 kl. 10:12]

Heill og sæll!

Væri ekki bara fínt ef þú skelltir þessu hugarangri bara upp í kæruleysi og keyptir þér eins og einn fínan kassa af flugeldum og losaðir um sprengiútrás ársins! Og ekki gleyma því að við erum duglegast þjóð í heimi og förum óhefðbundnar leiðir í öllu sem við tökum okkur fyrir hendur :-)

Áramótakveðjur Guðný M 

[Ólafur fannberg, 29.12.2006 kl. 13:14]

kvittó

[ÁP (IP-tala skráð) 30.12.2006 kl. 01:42]

Spurning að sprengja upp alvöru kínverja.  Bæði er nóg af þeim og svo kosta þeir trúlega minna og þá hafa björgunarsveitirnar ekki eins mikið að gera. 
ÁP